Natao tany Manakara, faritra Vatovavy Fitovinany ny fankalazana
nasionaly ny andro iraisam-pirenena ho an’ny Mponina ka ny minisitry ny Mponina
sy mpikambana maro ao amin’ny governemanta no tonga nanatrika izany.
Ny 10 Jolay dia efa tonga nitsidika ny biraom-paritry ny
Tanora sy ny Fanatanjahantena tany ny minisitry ny Mponina ka nijery manokana ny toerana natokana ho
fialambolin’ny tanora sady nitafa tamin’ireo tomponandraikitra ary ireo tanora.
Nisy ihany koa ny fitsidihana ny
Centre Manovo izay tantanin’ny Ong RTM ao Manakara izay Birao hiasan’ny Croix-Rouge
Malagasy (CRM) sy ny PAM ihany koa. Io ivon-toerana
io dia toeram-pamakiam-boky sy fanovozana fahalalana. Ahitana boky,
rakitsoratra sy ny gazety ny CRM ihany koa ao.
Ny 11 Jolay no ivon’ny
fankalazana ka nisy ny Carnaval lehibe sy ny kabary nifandimbiasana ary ny
fitsidihana ireo tranoeva ny tapany maraina. Ny tolakandro kosa dia nisy ny
rindran-kira niarahana tamin’ny tarika Da
Tokotry sy ny Conférence débat momba ny lohahevitry ny fankalazana dia ny hoe
« AMPANJARIANA NY TANORA ANTOKY NY HO AVY ». Nihetsika daholo ireo hery velona rehetra tao Manakara nanotrona ireo
fotoan-dehibe ireo ka isany nandray anjara feno ny CRM, tamin’ny Carnaval sy ny
Poste de secours. Nahatratra 18 ireo mpilatsaka an-tsitrapo no nohetsehina
tamin’izany ary tombanana ho 2500 any kosa ireo olona nahazo tombontsoa tamin’ny
Poste de Secours io . Marihina fa ny fitsidihana naton’ireo minisitra sy ireo
olo-manan-kaja maro ny Poste de secours ka nahafahana namelabelatra ny
andraikitra sy ny asa sahanin’ny CRM sy ny Jeunesse Croix –Rouge.
Mbola nitohy ny Asabotsy 12 Jolay
ny fankalazana ity ka ny fanokafana
amin’ny fomba ofisaly ny tetikasa hiadiana amin’ny aretina mpahazo ny vehivavy
mamany lava na ny « Fistule
obstétricale » ka ny Praiminisitra
sady Minisitry ny Fahasalamana no hanokatra izany tamin’ny fomba ofisialy tao
Manakara.
Vonjy Tsivalia Hajanirina
Mpandrindram-paritra CRM Vatovavy Fitovinany
