Ankoatra
ny fanampariahana mahazatra ny foto-kevi-dehibe sy ny soatoavin’ny
Croix-Rouge (promotion des principes et valeurs humanitaires) dia namolavola paikady iray ny CRM faritra Ihorombe amin’ny
alalan’ny fametrahana ivotoerana CRM ahitana ireo boky, gazety, “dépliants”,
“brochures” mirakitra ny Croix-Rouge. Izany dia hoentina hikendrena ireo
mpamaky boky aty an-toerana.
Ny
ivotoerana famakiam-boky CLIC TARATRA no nanaiky hiara-hiasa tamin’ny CRM
Faritra Ihorombe rehefa nisy ny fifanatonana sy ny fifampiresahana. Niroso
tamin’ny famolavolana ny fifanaraham-piaraha-miasa izany mba tsy hijanona
am-bava fotsiny.
-1.jpg)
Rehefa
samy afa-po ny roa tonta dia niroso tamin’ny fanaovan-tsonia ny fifanaraham-piaraha-miasa
tamin’ny 04 aprily 2014 lasa teo. Ny Filohan’ny Komity Mpitantana ny CLIC
TARATRA, RAKOTOVOAVY Zazah andaniny sy ny Filoham-paritry ny CRM Ihorombe,
ANDRIANIAINA Dieu Donné izay nomena fahefana nisolontena ny CRM ankilany,
no niara-nanao sonia ny fiaraha-miasa. Fotoana ihany koa nanehoana ny
talantalana natokana ho an’ny CRM ahitana ireo boky, gazety, “dépliants”,
“brochures” miisa 66 izay enti-miainga. Ny CICR no namatsy boky maro indrindra
tamin’ireo ka isaorana manokana.
Maro ny
tomponandraikitra nanome voninahitra ity soniam-piaraha-miasa ity raha tsy
hitanisa ireo mpikamban’ny Komity Mpitantana sy ny mpanentan’ny CLIC, ny
solontenan’ny Kaominina Ambonivohitra Ihosy, ny CISCO Distrika Ihosy ary ny avy
amin’ny CRM nahitana ny olomboafidy sy ny teknisianina eo anivon’ny Faritra sy
ny Distrika Ihosy.
Samy
nanasongadina ny maha zava-dehibe ity fiaraha-miasa ity ny mpandaha-teny
nandritra ny kabary nifandimbiasana. Sambany
no misy mpiara-miombonantoka aty an-toerana tahaka izao mamelo maso ity
ivotoerana famakiam-boky ity hoy Filohan’ny Komity Mpitantana fa dia ny vazaha
foana no hany nianteherana ka nisaorany sy niderany ny CRM izao fiaraha-miasa
izao.
Tsy
nisalasala ny solontenan’ny CISCO nangataka mba hametrahana boky toy izao ihany
koa any amin’ny CRP “Centre des Ressources Pédagogiques” mieli-patrana any
amin’ny Kaominina ambanivohitra Ranohira, Ambatolahy, Soamatasy ary Analavoka.
Natao teto Ihosy faha 7 aprily 2014
Iavitsara
Marcellin RANDRIAMANANA
Mpandrindram-paritra Ihorombe
Aucun commentaire:
Enregistrer un commentaire